【我在劍橋留學的日子(二十三)】

史上最難的考試

6th June 2016 / by Rico Ho

myroad23-01

「一天很長,一年卻很短。」Year 1 喺我未黎得及習慣之前就已經完左。第一年既大學生涯,對我最深刻既應該就係Christmas Vacation 之後既第一堂 supervision 我唔記得左要上,又無Send Email 同個教授講。結果嗰堂既教授嬲到震,send 左封Email 同我既Head of Study (類似班主任既物體)阿Mark Miller(我中學師兄)講,師兄大人知道左之後又嬲到震,立即又Send左封Email 比我,「省」到我立立令,仲話佢教咁多年從未遇到類似既事,講到我差啲以為佢會因為我走左一堂Supervision趕我出校,我唯有立即Send 返封Email 同佢保證以後唔會再發生呢件事。從此我就知道,走咩堂都好,都唔可以走Supervision,話哂一對一/二,唔去上就真係會好覺眼嫁嘛。

春天來臨之際,除左令劍橋本來已經好靚既街景添加一點青春氣息外,仲代表左考試之來臨。愈來愈多人開始坐喺Churchill既草地上溫習,Library 入面都開始長期爆滿人,一個一個既指示牌放置喺Churchill 既周圍,提醒我地考試期間既 Quiet Period 安靜期期間唔好嘈到人地。 每次經過呢啲指示牌既時候,我都不禁心一涼,諗起我一月個Mock Exam 不堪入目既Physics 分數,我都不敢想像六月既考試結果。曾經入劍橋之前我都希望自己可以喺劍橋考個好成績,但入黎無幾耐之後我就明白左,除左愛情之外,仲有好多野都係唔可以勉強既,例如成績。同我班同學鬥聰明,同搵黑人鬥跑步有咩分別?

Screenshot 2016-06-08 19.25.05

Material Department 三樓作息室影出去既劍橋初春兩景,依家呢個Building已經拆左。

同一班天才一齊讀書有好有唔好:好既係你可以學下佢地既諗法,仲可以推動到你努力讀書。但唔好既地方就係你既自信會下跌無極限,有時我望住一班又聰明過我又勤力過我既同學們,我覺得我只係靠好運撞左入黎。曾經對自己既能力充滿自信既我,經過一年既磨蹭,銳氣都變得消失無蹤。我只希望考試唔會太差,差到比人白眼(事實上無人會白眼你。)就可以啦。即使抱住呢個諗法,但我依然對考試充滿恐懼。

可惜,人(我)都係愚蠢既。明知大學既考試內容係中學考試內容既十倍(以上),但我居然傻仔到以為可以好似中學咁,考之前兩日先溫習。結果唔洗講,一開始溫習就知懶哂野,望到個堆成座山咁厚既書,「你不如一槍打死我」。考試前嗰幾日,我當左Library 係屋企,日日訓唔夠四個鐘,除左食飯沖涼訓覺,我都係Library到做野。但要溫既野實在太多,時間太少,根本無可能溫得哂。第一科考試既時間係朝早9點,之前嗰一晚既3點幾,我仲係Library 做緊數,望住個鐘,諗起唔夠六個鐘就開始我既考試,又望住個堆類似數學既外星文,我真係絕望到想喊出黎。我發誓下年要早啲開始溫習!(應該)

第一科考既係數學,好彩既係題目出得唔太難,所以即使溫習唔夠,但我都識識地做。第二科既Chemistry 係我既強項,所以問題都唔太大。正當我以為今次會大步檻過既時候,就黎一份十年黎出得最難既Physics Paper,份卷入面我唔識既多過識既,有啲問題連點開始做都唔知,有好幾個Moment 我都做到有衝動撕爛張卷,吞落肚唔想再睇,但我當然唔會咁做啦,啲紙咁難消化。捱過三個鐘考完出黎,發現心情無限Down 既唔止我一個,成個考場濔漫著失望同憂愁既氣息,我仲見到有幾個女仔忍唔到當地喊左出黎。我都好想喊呀大佬,點解要咁遲先開始溫!算,逝者已矣,來者可追。事情發展到呢個地步,我只好繼續努力考埋之後既卷啦。

Screenshot 2016-06-08 20.40.24

我考既第一份Paper,每份3個鐘。

最後嗰幾份卷都考得一般般,但至少無Physics 咁災難性先。最後一個考試完左之後,我走出考場Guild Hall,周圍都有同學拎住香檳對住岩岩考完試既學生噴,噴到佢地成身濕哂。我深深吸一口氣,「喺自由既空氣啊!」心中興奮到想大叫,臉上忍唔住露出笑容,笑唔係因為岩岩考得好好,(事實上我連自己岩岩考成點都已經唔記得左。)而係因為我,終,於,自,由,啦!!!!!!!

劍橋學生享有既,長達四個月既暑假,對於我黎講,其實係一種賠償,賠償我地為呢個痴線既考試所付出既腦細胞同心力。

一個月後,考試成績出左。我既成績當然拎唔到First Honour 啦,但都比我預期中好。望住張成績表,我諗,我都唔係靠運氣轆入黎既,應該。

待續。。。